ممكن ولا مش ممكن
نسب المجلس العسكري بالأم؟
لا مؤاخذة يعني بس الموضوع زاد عن حده جدا وأنا مكنتش ناوي أتكلم عن المجلس العسكري لما عملت المدونة دي، بس يا جماعة فعلا الموضوع بقا ماسخ قوي، متقولوش مفيش بقاله يوم، المجلس أديه بقاله ست شهور معرفش يجيب حق الشهداء اللي اتقتلوا جوا واللي قتلوهم معانا في البلد، يبقا هيعمل إيه في حق الشهداء اللي اتقتلوا ع الحدود مع إسرائيل، أنا لم أؤيد تفجير أنابيب الغاز مع إسرائيل من قبل عشان كان فيه عهود واحنا لا ننكث العهد لكن هما نكثوا عهد يبقا كل عهد بينا باطل، أمال هنستنا لما نسمع تهديد واضح وصريح ولا إيه؟
يا مجلس يا عسكري (ده لحد دلوقتي) بعد كدة هاستخدم لفظ بيستخدموه ناس كتير ومش هيعجبكم، يا مجلسنا الموقر (وده برضه لحد دلوقتي) أرجوك عرف ولاد الكلب إنهم ولاد كلب وحط جزمة في فم السفي الإسرائيلي اللي بيتكلم كأنه قاعد في بيت أمه، كرامتنا جوا وبهدلها مبارك وإنتوا قايمين بالواجب، كرامتنا برا بقا دي اللي فاضلالنا ولو هان عليكوا الدم القديم اللي كنتوا حاضرينه وهوا سخن، إحنا دماء شهداءنا لسة سخنة أوي!!
يارب نصرا من عندك وفتحا قريبا يارب!!
ليست هناك تعليقات:
إرسال تعليق